ЖАВПАЯ СУВ НАСОС СТАНЦИЯСИГА ЗАРУРИЙ АГРЕГАРТЛАР ЎРНАТИЛДИ
2023-01-27 09:17:10 75
Жавпая сув насос станциясига зарурий агрегартлар ўрнатилди
Айни кунда туманимизнинг Жавпая массивида қишлоқ хўжалигида фойдаланмайдиган ерларни ўзлаштириш ва анор плантацияси ташкил этиш ишлари давом эттирилмоқда. Фарғона вилояти ҳокими ташаббуси билан барпо этилаётган 400 гектарли ер майдонида сувни тежовчи технология асосида суғориш ишлари амалга оширилади.
Жавпая массивини суғориш суви билан таъминлаш мақсадида қурилаётган насос станциясида ҳам ишлар қизғин кечаётир. Бугун мазкур иншоотда сув етказиб берувчи насос станциясининг 4 та агрегати ўрнатилиб, синов ва мослаштириш ишлари тугатилмоқда.
Бевосита Жавпая массивида ҳам мутахассислар томонидан сув тежовчи технологияларни тайёрлаш ва пайвандлаш ишлари жадал олиб бориляпти. Бунинг учун барча зарурий маҳсулотлар етказиб берилган.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
