БУГУНДАН ҚЎҚОН ДАВЛАТ ПЕДАГОГИКА ИНСТИТУТИДА “СЎХЛИК ТАЛАБАЛАР ҲАФТАЛИГИ” ЎТКАЗИЛАДИ
2022-12-12 16:54:12 130
Бугундан Қўқон давлат педагогика институтида “Сўхлик талабалар ҳафталиги” ўтказилади
дея хабар бермоқда институт Ахборот хизмати раҳбари. Институт сайтида келтиришича - Президентимиз томонидан Сўх туманини иқтисодий-ижтимоий ривожлантиришга катта эътибор қаратилмоқда. Айниқса, Президентимизнинг “2020-2021-йилларда Фарғона вилоятининг Сўх туманини комплекс ижтимоий-иқтисодий ривожлантириш чора-тадбирлари тўғрисида”ги қарори бу борадаги ишлар кўламини сифат ва салмоқ жиҳатдан янги босқичга кўтаришга хизмат қилмоқда.
Шунингдек, Сўхлик ёшларни ҳар томонлама қўллаб-қувватлаш, барча соҳаларни олий маълумотли кадрлар билан таъминлаш доимий эътиборда. Ҳар йили давлатимиз раҳбарининг қарори асосида олий таълимга киришга ажратилган 500 та квота сўхлик ёшлар учун муҳим имконият бўлмоқда.
Айни пайтга келиб ҚДПИда 300 дан зиёд сўхлик ёшлар таҳсил олмоқда. Бугундан институтда сўхлик талабалар ҳафталиги бошланмоқда. Мазкур ҳафталикнинг юксак савияда ўтказилиши ёшларимизнинг орзусини рўёбга чиқаришга кўмаклашиш, уларни маданият, санъат, жисмоний тарбия ва спортга кенг жалб қилиш, ёшлар ўртасида китобхонликни тарғиб қилиш, “Беш муҳим ташаббус”ни амалга оширишга замин яратади.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
