“ТЕМИР ДАФТАР” ДАГИ ОНАХОНГА ЯНГИ УЙ ҚУРИБ БЕРИШ ИШЛАРИ ОХИРИГА ЕТКАЗИЛМОҚДА
2022-12-12 15:02:33 162
“Темир дафтар” даги онахонга янги уй қуриб бериш ишлари охирига етказилмоқда
Республикамизда кам таъминланган, ижтимоий кўмакка муҳтож фуқаролар, ногиронлиги бор, боқувчисини йўқотганларга амалий, моддий ва маънавий ёрдам кўрсатиш учун яратилган тизим асосида хайрли ишлар қилинмоқда. Айниқса, “Темир дафтар” га киритилган фуқароларга берилаётган эътибор уларнинг хурсандчилигига сабаб бўлаётир.
Тул маҳалла фуқаролар йиғинида яшовчи, “Темир дафтар” га киритилган фуқаро Танзила Мирзоевага туман ҳокимлиги ва саховатпеша ҳомийлар кўмагида янги уй қуриб берилмоқда. Айни кунда мазкур янги уйнинг таъмирлаш ишларини бошлаш режалаштирилган.
Танзила Мирзоева туман ҳокимига ушбу масалада мурожаат этган ва ушбу мурожаат манзилли ўрганилиб, онахонга янги уй қуриб бериш масаласи ижрога йўналтирилди ва қисқа муддат давомида ушбу ҳовлида янги икки хонали уй барпо этилди. Уйни қуриш ва унга керакли маҳсулотлар етказилишида маҳалла фуқаролар йиғини ва ҳоким ёрдамчисининг ҳиссаси чексиз.
Уйнинг қурилиши асосан ҳашар йўли билан амалга оширилди. Янги уй қад ростланишида маҳалла аҳли ва саховатпеша ҳомийларнинга салмоқли ҳиссасини қайд этиш жойиз.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
