ҒАЗНОВ МАҲАЛЛАСИДАГИ ИЧКИ КЎЧАЛАРДА МАНЗИЛЛИ ДАСТУР ОРҚАЛИ БЕТОНЛАШТИРИШ ИШЛАРИ ОЛИБ БОРИЛМОҚДА
2022-11-21 17:43:23 159
Ғазнов маҳалласидаги ички кўчаларда манзилли дастур орқали бетонлаштириш ишлари олиб борилмоқда
Барчамизга маълумки, 2022 йил 25 октябрь куни Ўзбекистон Республикаси Президентининг 408-сонли «2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида»ги қарори қабул қилинган бўлиб, ушбу қарор асосида аҳоли учун муносиб турмуш шароитларини яратиш мақсадида бизнинг туманимизда ҳам амалий ишлар олиб бориляпти. Бугун биз Ғазнов маҳалласида бўлиб айни ушбу қарор асосида амалга оширилаётган ободонлаштириш ишлари устидан чиқдик.
Маҳалла раисининг маълумотига кўра, юқоридаги қарор асосида Ғазнов маҳалласида умумий қиймати салкам 5 миллиард сўм бўлган ишлар амалга оширилиши режалаштирилган. Маҳаладаги “Тошмазор” кўчасини бетонлаштириш ишларига 600 миллион сўм маблағ йўналтирилган. Узунлиги салкам 1 километр бўлган ички кўчаларни бетонлаштириш “Хушбахти Суҳробзод” хусусий корхонаси зиммасига юклатилган. Бугунгача қурувчилар зиммадаги ишларни қарийб охирига етказиб бўлдилар.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
