ЖАВПАЯНИ ЎЗЛАШТИРИШ МАҚСАДИДА БОШЛАНГАН АМАЛИЙ ИШЛАР ДАВОМ ЭТЯПТИ
2022-11-11 17:12:14 129
Жавпаяни ўзлаштириш мақсадида бошланган амалий ишлар давом этяпти
Хабарингиз бор, Қалъача маҳалласидаги Жавпая массивида айни кунда қишлоқ хўжалигида фойдаланмайдиган ерларни ўзлаштириш бўйича кенг кўламли ишлар амалга оширилмоқда. Бу массивда 230 гектардан зиёдроқ ер майдони ўзлаштирилиб, барча мазкур ҳудудда истиқомат қиладиган фуқароларга тақсимлаб берилади. Албатта, бу эзгу ташаббус халқимизга қўшимча даромад манбаига эга бўлишларини таъминлайди. Мазкур ҳудудда ерларни пропорционал тақсимлаш ва лотларга ажратиш ишлари охирига етказилиб, айни кунда сув тежовчи технологияларни йўлга қўйишга қаратилган ишлар амалга ошириляпти.
Мазкур ҳудудда Фарғона вилояти ҳокими Хайрулло Бозоров ташаббуси билан анор плантацияси ташкил этилади ва бу мақсадга 1 500 000 АҚШ доллари йўналтирилган. Айни кунда махсус техникалар Жавпаянинг юқори қисмида ҳажми 60х40 метр бўлган махсус ҳовуз бунёд этишга сафарбар этилган. Туман секторлари раҳбарлари ҳар куни мазкур ҳудудда бўлиб, ташкил этиилган штаб аъзолари билан учрашиб, амалга оширилаётган ишларни кўздан кечиришади. Вилоятдан массивга барча зарурий техникалар сарфабар этилган.
Сўх дарёсидан суғориладиган мазкур ҳудуд учун махсус сув иншооти қурилмоқда ва бу ерда ҳам ишлар давом этмоқда. Эслатиб ўтамиз, Жавпая массивини сув билан таъминлаш мақсадида давлатимиз томонидан 21 миллиард сўм маблағ ажратилган.
Республика марказидан томчилатиб суғориш тизимининг бутловчи қисмлари етказиб берилган бўлиб, соҳа мутаҳассислари айни кунда бутловчи қисмларни пайвандлаш ва монтаж қилиш ишларини амалга оширишаётир. Мазкур бутловчи қисмларнинг қиймати салкам 4 миллиард сўмни ташкил этади.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
