УЧ АВЛОД УЧРАШУВИ
2022-09-30 13:52:18 145
1-октябр —Ўқитувчи ва мураббийлар куни муносабати билан Сариканда маҳалласида "Уч авлод учрашуви" учрашуви ўтказилди
Учрашувда маҳалла нуронийлари, фахрий устозлар, мураббийлар, ўрта авлод вакиллари ва фаол ёшлар иштирок этди.
Тарих, бугун ва келажакни бирлаштирган учрашувда фахрий устозларимиз ҳаёти ва меҳнат фаолияти давомида тўплаган бой тажрибаси, нуронийларимизнинг ёшлик давридаги ўзига хос қийинчиликлари, меҳнат палласидаги машаққатлар, ниҳоят нуронийлик пайтида кўрсатилаётган ҳурмат-эҳтиром ҳақида ўз дил сўзларини, самимий фикрларини билдирдилар.
Шунингдек, маҳалла ёшлар етакчиси, аввало барча устоз ва мураббийларини касб байрамлари билан табриклаб, янги Ўзбекистонни бунёд этишда ёшлар учун нафақат ўткир зеҳн ва ақл, замонавий билимлар, балки кекса авлод вакилларининг катта ҳаёт мактабидан олган сабоқлари, миллий қадрият ва анъаналарга ҳурмат, Ватанга бўлган муҳаббату садоқат, шу билан бирга юртимиздаги ўзгаришларга дахлдорлик ҳисси билан яшаш ҳам талаб этилишини қайд этди.
Шундан сўнг тадбир иштирокчилари бир пиёла чой устида гурунглашдилар. Ёшлар ўзларини қизиқтирган саволларига жавоблар, тушунмаган масалаларда керакли маслаҳатлар олишди.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
