ОБОДОНЛАШТИРИШ ИШЛАРИ ЖАМОАТЧИЛИК НАЗОРАТИ ОСТИДА ОЛИБ БОРИЛЯПТИ
2022-09-09 17:35:33 146
Таъкидлаш лозим, туманимизнинг 4-сектори ҳудудидаги маҳаллаларда ҳам айни кунда кенг кўламли ободонлаштириш ва таъмирлаш ишлари олиб борилмоқда. Қилинаётган барча ишлар албатта, аҳолига, фуқароларимизга муносиб шароитларни яратиб бериш мақсадида амалга ошириляпти.
4-сектор раҳбари ва Зангат маҳалла фуқаролар йиғини депутатининг бизга берган хабарига кўра, мазкур маҳаллада ҳам ички кўчаларни таъмирлаш ишлари олиб борилмоқда. Мазкур маҳаллада давлатимиз бюджетидан йўналтирилган маблағлар ҳисобидан ички кўчалар шағаллаштирилмоқда.
Айтиш жойизки, амалга оширилаётган таъмирлаш ва ободонлаштириш ишлари бевосита жамоатчиликнинг қаттиқ назорати остига олинган. Чунки охирги вақтда асфльтлаштирилган ва бетонлаштирилган ҳудудлардаги ишлар сифатига доир фуқаролар томонидан кўп танқидий фикрлар билдирилмоқда.
- Давлат дастури асосида Обишир маҳалласидаги ички кўчалар ҳам бугун бетонлаштириляпти. Ишлар жараёни ва сифатини назоратга олганмиз, - дейди мазкур маҳалла депутати Расулжон Мирсаидов.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
