Шикаст етган газ қувури таъмирланди
2022-07-07 17:57:32 87
Шикаст етган газ қувури таъмирланди
Айтиш лозимки, ҳар йили айни Сўх дарёсининг сув сатҳи ошган паллада Ленбур - Тул йўналишидаги газ қувурига шикаст етказилади. Чунки мазкур магистралдаги газ қувурлари Сўх дарёси устидан ўтади.
Сўх туман газлаштириш идораси бош муҳандиси Бурҳонжон Мирзобековнинг сўзларига кўра, куни кеча юзага келган сув тошқини мазкур йўналишдаги газ қувурларига шикаст етказган ва вақтида кўрилган чора-тадбирлар самараси ўлароқ, 125 метр узунликдаги газ қувури газ идораси ходимлари томонидан таъмирланди ва янгиси билан алмаштирилди.
Табийи газ масаласида муаммолар юзага келса, 104 қисқа телефон рақами, ёки + 998 73 462 50 04 га дарҳол қўнғироқ қилишингиз сўралади.
Сўх тумани ҳокимлиги Ахборот хизмати
