Беш ташаббус олимпиадаси
2022-04-27 10:36:15 286
Беш ташаббус олимпиадаси
"Беш ташаббус" олимпиадаси доирасида "Ёшлар ишлари Агентлиги кубоги"ни қўлга киритиш учун ўтказилаётган шахмат бўйича мусобақаларнинг сектор кесимидаги босқичи туманнинг 1, 3 ва 4-секторларида ҳам бўлиб ўтди.
Гулистон маҳалла фуқаролар йиғини ёшлар етакчиси Меҳриддин Мухторовнинг бизга маълумот беришича, мусобақаларнинг биринчи босқичида секторнинг 7 та маҳалласидан қарийб 150 нафар шахматчилар қатнашди. Сектор кесимидаги мусобақаларда 42 нафар шахматчилар биринчилик учун ўзаро беллашдилар.
Айтганимиздек, сектор кесимидаги мусобақалар ғолиби туман босқичига йўлланма олади. Сектор кесимидаги беллашувлар ёш шахматчилар ўртасида 30 апрельгача давом этади.
Сўх тумани ҳокимлиги Ахборот хизмати
