1. Бош сахифа
2. Янгиликлар

СЎХГА ЭКОЛОГИЯ ВА АТРОФ-МУҲИТНИ МУҲОФАЗА ҚИЛИШ ДАВЛАТ ҚЎМИТАСИ ВАКИЛЛАРИ ТАШРИФ БУЮРДИ

×

СЎХГА ЭКОЛОГИЯ ВА АТРОФ-МУҲИТНИ МУҲОФАЗА ҚИЛИШ ДАВЛАТ ҚЎМИТАСИ ВАКИЛЛАРИ ТАШРИФ БУЮРДИ

         Шуни алоҳида қайд этиш лозимки, Сўх туманида айни кунда кенг кўламли қурилиш-таъмирлаш ишлари баробарида ободонлаштириш ва кўкаламзорлаштириш ишлари олиб борилмоқда. Қалъача маҳалласидаги Жавпая массивидаги амалга оширилаётган ишлар бугна яққол мисол бўла олади.

         Жавпая массивидаги ишлар бевосита давлатимиз раҳбари эътиборида эканлиги Сўхликлар учун алоҳида ғамхурлик ва эътироф натижасидир.

         Бугун туманимизга Ўзбекистон Республикаси Экология ва атроф-муҳитни муҳофаза қилиш давлат қўмитаси раисининг биринчи ўринбосари Халилов Умарбек Яхшимуродович ташриф буюрди. Фарғона вилояти экология ва атроф-муҳитни муҳофаза қилиш бошқармаси бошлиғи Баҳромжон Жуманов билан биргаликда Жавпая массивида бўлган қўмита раисининг биринчи ўринбосари бу ерда олиб борилаётган ишлар билан яқиндан танишди.

         Сўх тумани ҳокими Сайидбаҳром Сайидмусаев мазкур массивда олиб борилаётган ишлар хусусида маълумотлар берди. Шунингдек, туманда "Яшил макон" умумимиллий лойиҳаси доирасида амалга оширилаётган ишлар бўйича ҳам маълумотлар берилди.

         Айни кунда Жавпая массивида иссиқхоналар барпо этиш ва янги ерларни ўзлаштириш баробарида янги экоҳудуд - "Жавпая боғи" ҳам барпо этилмоқда. Бунинг учун вилоятимизнинг Қува туманидан мевали дарахтлар кўчатлари олиб келиниб, ўтқазилмоқда. Асосан анор ва ўрик мевалари экилаётган янги боғда қумита раиси ўринбосари ва вилоят бошқармаси бошлиғи ҳам янги кўчатлар ўтқаздилар.

                   Сўх тумани ҳокимлиги Ахборот хизмати