1. Бош сахифа
2. Янгиликлар

“ЁШЛАР ЕТАКЧИСИ” СТИПЕНДИЯСИНИНГ БИРИНЧИ СОҲИБАСИ АНИҚЛАНДИ

×

“ЁШЛАР ЕТАКЧИСИ” СТИПЕНДИЯСИНИНГ БИРИНЧИ СОҲИБАСИ АНИҚЛАНДИ

         Хабарингиз бор, илм олишда фаол ва интилувчан талабаларни рағбатлантириш бўйича Сарибозорча маҳалла фуқаролар йиғини ёшлар етакчиси Муҳиб Аъзамжонов ва 29-сонли мактаб маъмурияти ҳамкорлигида “Ёшлар етакчиси” стипендияси жорий этилган эди. Бугун ушбу рағбатнинг биринчи эгаси номи ҳам маълум бўлди.

         29-сонли УЎТ мактаби директори Амиржон Темировнинг сўзларига кўра, бу эътибор ва рағбат талаба ёшларга интилиш ва изланиш учун ўзига хос мотивация ролини ўйнайди.

         Мазкур мактабнинг 10-синф ўқувчиси Муфаззал Маҳматова мактабнинг фаол ва билимли талабаларидан. Муфаззалхонга ёшлар етакчисининг илк стипендияси тақдим этилди.

         - Тартибга кўра, ҳар ойда икки маротаба 6 нафар мана шундай фаол ўқувчиларга стипендия топширилади. Яна 5 нафар етакчи ўқувчиларимизга ҳафта давомида ушбу рағбатлантирувчи мукофтоларни топширамиз, - дейди маҳалланинг ёшлар етакчиси.

                   Сўх тумани ҳокимлиги Ахборот хизмати