1. Бош сахифа
2. Янгиликлар

ЎЗБЕКИСТОН РЕСПУБЛИКАСИНИНГ ЖИНОЯТ, ЖИНОЯТ-ПРОЦЕССУАЛ КОДЕКСЛАРИГА ҲАМДА МАЪМУРИЙ ЖАВОБГАРЛИК ТЎҒРИСИДАГИ КОДЕКСИГА КИРИТИЛГАН ЎЗГАРТИШ ВА ҚЎШИМЧАЛАР 

×

Ўзбекистон Республикасининг 2021 йил 12 февралдаги “Жиноят, Жиноят-процессуал кодексларига ҳамда Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги 673-сонли Қонунининг 1-моддасига асосан Жиноят кодексига қуйидаги қўшимча ва ўзгартишлар киритилди:

1) 17-модданинг тўртинчи қисми “1271” рақамидан кейин “1281” рақами билан тўлдирилди;

2) қуйидаги мазмундаги 1281-модда билан тўлдирилди:

“1281-модда. Ўн олти ёшдан ўн саккиз ёшгача бўлган шахсга моддий қимматликлар бериш ёхуд уни мулкий манфаатдор этиш орқали у билан жинсий алоқа қилиш

Ўн олти ёшдан ўн саккиз ёшгача бўлган шахснинг ўн саккиз ёшга тўлмаганлиги айбдорга аён бўлгани ҳолда, унга моддий қимматликлар бериш ёки уни мулкий манфаатдор этиш орқали у билан жинсий алоқа қилиш ёки жинсий эҳтиёжни ғайритабиий усулда қондириш, -

уч юз соатгача мажбурий жамоат ишлари ёки икки йилгача ахлоқ тузатиш ишлари ёхуд икки йилгача озодликни чеклаш ёхуд икки йилгача озодликдан маҳрум қилиш билан жазоланади”;

3) 1482-модда иккинчи қисмининг диспозициясидаги “худди шундай қилмиш учун маъмурий жазо қўлланилганидан кейин” деган сўзлар чиқариб ташланди;

4) 2161-модда қуйидаги мазмундаги иккинчи қисм билан тўлдирилди:

“Ўша ҳаракатлар вояга етмаган шахсга нисбатан содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади”;

5) 246-модда биринчи қисмининг ўзбекча матнидаги “кучли таъсир қилувчи заҳарли” деган сўзлар “кучли таъсир қилувчи, заҳарли” деган сўзлар билан алмаштирилди.

Қонунинг 2-моддасида Жиноят-процессуал кодексига қуйидаги ўзгартиш ва қўшимчалар киритилди:

1) 345-модданинг бешинчи қисмидаги “216, 217, 222-моддаларида” деган сўзлар “216-моддасида, 2161-моддасининг иккинчи қисмида,                                                           217, 222-моддаларида” деган сўзлар билан алмаштирилди;

2) 3812-модда биринчи қисмининг 1-бандида:

“128-моддаси биринчи қисмида” деган сўзлардан кейин “1281-моддасида” деган сўзлар билан тўлдирилди;

“214-моддаси биринчи ва иккинчи қисмларида» деган сўзлардан кейин                   “2161-моддаси биринчи қисмида” деган сўзлар билан тўлдирилди.

Қонунинг 3-моддасида Маъмурий жавобгарлик тўғрисидаги кодекси                           51-моддасининг иккинчи қисми, яъни: “Худди шундай ҳуқуқбузарлик вояга етмаган шахсга нисбатан содир этилган бўлса, - базавий ҳисоблаш миқдорининг етмиш бараваридан юз бараваригача миқдорда жарима солишга  сабаб бўлади” деган сўзлар чиқариб ташланди.

Шунингдек Қонунинг 4-моддасида давлат бошқаруви органлари ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминланиши назарда тутилган.

Х.Холиқов - Жиноят ишлари бўйича

Фарғона туман судининг судьяси                                              

Ж.Хайдаров - Жиноят ишлари бўйича

Фарғона туман судининг

девонхона мудири                                 

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram