Саховатли инсонлар кўпайсин
2020-09-28 17:23:26 225
Саховатли инсонлар кўпайсин
Бу дунёда яхшиларнинг борлигига шукр. Улар бор экан, ҳаёт гуллайверади. Ана шундай яхши инсонларни Сўх тумани, Ҳазрати Али маҳалласида жуда кўп учратасиз. Топганини халқ билан баҳам кўрадиган инсонлардан бири бу Юлдузхон Нишоновадир. Ўғилларига мени хурсанд қилмоқчи бўлсангиз, халқга мададкор бўлинглар дея берган ўгитлари зое кетмади. Яқиндагина маҳалладаги чанг кўчалардан бирини асфалтлаштириб берган Юлдузхон онанинг ўғиллари бу гал маҳалладаги 50 нафар эҳтиёжманд, боқувчисини йўқотган шахслар ва кўпни кўрган кексаларга ўз ҳисобидан ун маҳсулоти тарқатди.
Ҳомийларнинг саховатини ҳақиқий мўҳтож шахсларга ўз вақтида етказиб бераётган маҳалла раиси ва депутати Субҳонали Нишоновдан аҳоли миннатдор. Саховатли инсонлар кўпайгани яхши албатта.
Сух тумани ҳокимлиги Ахборот хизмати
