1. Бош сахифа
2. Янгиликлар

Юз билан юзлашганлар эъзозда

×

Юз билан юзлашганлар эъзозда

         “Олтин олма, дуо ол” дейишади доно халқимиз. Дарҳақиқат, дуонинг қудрати барча сарват ва бойликлардан ҳам устундир. Иноятхон Жумаева туманимизнинг Истиқлол маҳалласида яшайди. 1921 йилда туғилган. Иноятхон-момо бугун ўзининнг яқинлари - фарзанду набира, абира ва чеваралари ардоғида.

         Сух туман “Маҳалла” хайрия жамоат фонди вакиллари Истиқлол маҳалла фуқаролар йиғини мутасаддилари билан Иноятхон-момони зиёрат этиш мақсадида Жумаевлар хонадонига ташриф буюришди. Юз ёшли нуроний момога озиқ-овқат маҳсулотлари тақдим этилди. –“Илойим осмонимиз мусаффо, юртимиз тинч ва Юртбошимизнинг боши омон бўлсин! Менинг ёшимга етинглар”, - дея Иноятхон-момо қўлларини дуога очишди.

         Юзларидан нур ёғилиб турган момонинг дуосини олиш, бундай нуроний онахонларимизни ардоқлаш, уларга меҳр-оқибат кўрсатиш барчамизнинг вазифамиздир. Зеро, ёши улуғ инсонлар қут-барака, тинчлик-тотувлик, аҳил-иноқлик ва рафоқат рамзидир. Бундай азиз ва мўътабар инсонларнинг дуоси мустажобдир.

                   Сух тумани ҳокимлиги Ахборот хизмати