1. Бош сахифа
2. Янгиликлар

Томорқа – даромад манбаи

×

Томорқа – даромад манбаи

         Томорқачиликни ривожлантириш ва ундан самарали фойдаланишда кӯпни кӯрган, ҳаётий тажрибага эга бӯлган инсонларнинг кӯрсатма ва маслаҳатлари бугунги ёшларга албатта, қӯл келади. Зотан, томорқа даромад манбаидир ва ҳар бир фуқаро шу ҳаётий ҳақиқатни теран англаган ҳолда, ундан самарали фойдаланиш йӯл ва усулларини ӯрганиши лозим. Сариканда маҳалла фуқаролар йиғинида яшовчи фуқаро Муҳаббат-ота Азимов бутун умрини қишлоқ хӯжалиги соҳасига бағишлаган миришкорлардан. "Мен ҳаётимнинг бутун қисмини шу соҳага бағишладим. Эски колхоз ва совхозларда ишлаганман. Сух тумани картошкачиликда собиқ Иттифоқ даврида довруғи чиққан ҳудудлардан бири эди. Энди биз ёшларимизга Сух картошкачилик мактабини тиклашга ва уни ривожланишига кӯмак беришимиз лозим" - дейди биз билан сӯҳбатда отахон. Муҳаббат-ота Азимовнинг эрта экилган картошкаси аллақачон ҳосил беришни бошлади. Ёшларни меҳнатга жалб этиш ва уларни томорқадан самарали фойдаланишга йӯналтиришимиз лозим.

                   Сух тумани ҳокимлиги Ахборот хизмати