“Dolzarb 90 kun” loyihasi doirasida So‘x tumani Yoshlar ishlari bo‘limi tomonidan So‘x yozgi bolalar sog‘lomlashtirish oromgohida zukko bolajonlar o‘rtasida "Zakovot" intellektual o‘yini o‘tkazildi.

Unda bolajonlar o‘zlarining ilmga chanqoq ekanliklarini namoyish etdilar. O‘yin so‘ngida 3ta jamoa vakillari g‘oliblikni qo‘lga kiritishdi hamda Yoshlar ishlari tuman bo‘limi tomonidan esdalik sovg‘alar va diplom bilan taqdirlandilar.

Joriy yilda bolalar maroqli dam olishlari uchun mutasaddilar tomonidan oromgohda barcha shart-sharoitlar yaratilgan. Hozirda bir necha yuzlab bolalar o‘zlarining ta’til vaqtlarini oromgoh hududida mazmunli o‘tkazmoqdalar.

So‘x tumani hokimligi Axborot xizmati