Quvasoy shahrida umumiy o‘rta ta’lim maktablarini “oltin” va “kumush” medallarga tamomlagan o‘quvchilarni taqdirlash tadbiri bo‘lib o‘tdi

🥇Bugun shahar hokimligi binosida umumiy o‘rta ta’lim maktablarini “oltin” va “kumush” medallarga tamomlagan o‘quvchilarni taqdirlash tadbiri bo‘lib o‘tdi. Unda shahar hokimligi, Maktabgacha va maktab ta’limi bo‘limi, maktab direktorlari va ota-onalar ishtirok etishdi.

🎤Tadbir avvalida shahar hokimining o‘rinbosari A.Mamajonov bitiruvchilarni yetuklik shahodatnomalarini olib, yangi hayot ostonasida turganliklari bilan samimiy tabrikladi.

➡️Shuningdek, ishtirokchilar tomonidan yoshlarga ko‘plab ezgu tilaklar bildirilib, oliy ta’lim dargohlarida tahsil olib, yurt ravnaqiga munosib hissa qo‘shishlari uchun katta ishonch bildirildi.

➡️O‘z o‘rnida, mana shunday tirishqoq, zukko va intiluvchan yoshlarni tarbiyalab, voyaga yetkazgan ota-onalarga, ularga ta’lim bergan ustozlariga minnatdorlik bildirildi.

⏺Joriy o‘quv yilida 1 207 nafar bitiruvchi 11-sinfni tamomladi. O‘quv yili davomida fanlarni a’lo baholarga o‘zlashtirgan hamda yuqori natijalarga erishgan 35 nafar o‘quvchi oltin va 8 nafar o‘quvchi kumush medal bilan taqdirlandilar.

📑Qolaversa, bitiruvchilarning 56 nafari xorijiy tillarni bilish darajasini belgilovchi milliy va xalqaro tan olingan sertifikatlarga ega bo‘lgani, undan tashqari 3 nafar o‘quvchi O‘zbekiston Respublikasi hududidagi nufuzli oliy ta’lim muassasalariga muddatidan oldin talabalikka tavsiya etilgani faxr va iftixor bilan tilga olsa arzirli natijadir.

✅Bitiruvchi yoshlar o‘zlariga bildirilgan yuksak e’tibor hamda ishonchni oqlagan holda kelgusida Vatanimiz koriga yaraydigan, komil inson bo‘lib yetishishlariga tilakdoshmiz.