Maktabgacha ta'lim muassasalarida tarbiyalanayotgan bolajonlarga alohida e'tibor qaratish, ularning sog'lig'ini saqlash, ularning ovqatlanishi va dam olishlari uchun zaruriy shart-sharoitlar yaratishga doir qilinayotgan ishlar albatta kelajagimiz davomchilari bo'lgan farzandlarimiz kamolotiga qaratilgani bilan ham ahamiyatlidir. Maktabgacha ta'lim tashkilotlari va muassasalarining moddiy-texnik bazasini mustahkamlashga ham alohida e'tibor qaratilgan.

So'x tuman maktabgacha va maktab ta'limi bo'limi mudiri Foziljon Mirzoyevning ma'lumotiga ko'ra, tumandagi barcha maktabgacha ta'lim muassasalariga mahalliy byudjet mablag'lari hisobidan oshxona, yotoqxona anjomlari va zaruriy miqdorda qandolat mahsulotlari yetkazib berish belgilangan. Mazkur mahsulotlar olib kelinib, bevosita mutasaddilar tomonidan tuman MMT bo'limi hovlisidan maktabgacha ta'lim muassasalari rahbariyatiga alohida ro'yxat orqali to'liq tarqatib berildi.

So'x tumani hokimligi Axborot xizmati