“Nurafshon” MFY hududida charm-poyabzal yo‘nalishida tashkil etilayotgan kichik sanoat zonasida ayni kunlarda kommunikatsiya tarmog‘i tortish ishlari olib borilmoqda.
Ushbu sanoat zonasida Qo‘shtepa tumani hokimi A.Abdullayev, “Uzcharmsanoat” uyushmasi viloyat hududiy boshqarmasi boshlig‘i U.Kambarov hamda hududdagi qurilish ishlarini amalga oshiruvchi pudratchi tashkilot mas’ullari tomonidan tadbirkorlar bilan ochiq muloqot o‘tkazildi.
Muloqot davomida charm poyabzalga ixtisoslashgan kichik sanoat zonasida faoliyat olib borish va tayyor do‘kon sotib olish istagini bildirgan tadbirkorlarning fikr-mulohazalari tinglandi va ularni qiziqtirgan savollarga tegishlicha javob berildi.