КАРТОШКА ЙИҒИМ-ТЕРИМИ БАРОБАРИДА ҒАЛЛА ЭКИШ ИШЛАРИ ЖАДАЛЛИК БИЛАН ДАВОМ ЭТМОҚДА
2024-09-27 16:14:23 198
Картошка йиғим-терими баробарида ғалла экиш ишлари жадаллик билан давом этмоқда
Туманимизда янги 2025 йил ҳосили учун миришкорларимиз астойдил киришишган. Ширкат ва фермер хўжалиликлари майдонларида бугунги кунда картошка йиғим-терими ва аллақачон ҳосили олинган ерларга ғалла экиш ишлари олиб борилмоқда.
Бу йили туман миришкорлари жами бўлиб туман бўйича 535 гектар ер майдонига иккинчи нон бўлмиш – картошка экишган. Йиллик режа 10 500 тонна этиб белгиланган. Сўхлик бободеҳқонлар бир кунда ўртача 16 гектар картошкани йиғиб-териб олишаётир. Айни кунда картошка омборларида 9 361 тонна картошка захираси яратилган.
Ғалла экиш ишлари ҳам тизимли равишда олиб борилаётир. Туман ҳокимининг қишлоқ ва сув масалалари бўйича ўринбосари Муслимбек Мавлонбековнинг сўзларига кўра, 2025 йил ҳосили учун режада бошоқли дон экиш 350 гектар этиб белгиланган. Айн кунда ер текислаш ишлари амалга оширилиб, бу кўрсатгич 130 гектарга етказилди. Шу кунгача жами ғалла экилган экин ер майдонларининг умумий ҳажми туманда 99 гектарни ташкил этади.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
