1. Бош сахифа
2. Янгиликлар

ХАЛҚ ҚАБУЛХОНАСИДА АҲОЛИ МУРОЖААТЛАРИ ВА МУАММОЛАРИ ЎРГАНИЛДИ

×

Халқ қабулхонасида аҳоли мурожаатлари ва муаммолари ўрганилди

Сўх туманида аҳоли билан бевосита ва очиқ мулоқотни таъминлаш, уларни қийнаб келаётган муаммоларни аниқлаш ҳамда бартараф этиш юзасидан аниқ ва манзилли чоралар кўрилмоқда.

Бугун туман ҳокими Сайидбаҳром Сайидмусаев аҳолининг турли қатламлари билан тўғридан-тўғри мулоқот қилиш, мавжуд муаммоларни аниқлаш, уларни бевосита жойида бартараф этиш мақсадида Ўзбекистон Президентининг тумандаги Халқ қабулхонасида навбатдаги қабулини ўтказди.

Сектор раҳбарлари, туман ҳокими ўринбосарлари, ташкилот ва муассасалар масъуллари иштирок этган қабул давомида фуқароларнинг коммунал соҳа, банк кредити, уй-жой, ичимлик суви таъминотини яхшилаш, ишга жойлашиш, тиббий хизмат ва бошқа масалалар билан боғлиқ мурожаатлари ўрганиб чиқилди.

Фуқаролар мурожаатларининг баъзиларига шу куни ижобий ечим топилган бўлса, ижроси юзасидан қўшимча ўрганиш ва муддат талаб этадиган масалалар тегишли идораларга йўналтирилиб, назоратга олинди.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram