Shrift o'lchami Rang Rasm

<< Mart 2024 >>
DUSECHPAJUSHYA
    123
45678910
11121314151617
18192021222324
25262728293031

Yangiliklarga obuna bo'lish


Hozir saytda 13 nafar foydalanuvchi Ishonch telefoni statistikasi

Iqtisodiy tadqiqotlar va islohotlar markazi Oʼzbekistonda tadbirkorlik iqlimini oʼrganish boʼyicha soʼrovnoma oʼtkazmoqda

×

 2020-05-02 09:40:48    54

PDF yuklash
Chop etish


Iqtisodiy tadqiqotlar va islohotlar markazi Oʼzbekistonda tadbirkorlik iqlimini oʼrganish boʼyicha soʼrovnoma oʼtkazmoqda

          Iqtisodiy tadqiqotlar va islohotlar markazi Oʼzbekistonda biznes iqlimini oʼrganish boʼyicha tadbirkorlar oʼrtasida soʼrovnoma oʼtkazmoqda. Soʼrovnoma har oy oʼtkaziladi.

         Oʼzbekistonning ishbilarmonlik muhiti indeksi Ifo metodologiyasiga asoslangan boʼlib, iqtisodiy prognozlarning oldindan koʼra bilish qobiliyatini mustahkamlash, shuningdek, davlat va biznesdan oʼz vaqtida javob berishni taʼminlashga moʼljallangan. YaIMdan farqli ravishda indeks har oy hisoblab chiqiladi va chop etilib mamlakat iqtisodiyotining pulsi boʼlib xizmat qiladi.

         Indeks ishlab chiqarish, qurilish, ulgurji va chakana savdo sohasidagi kompaniyalarning 2000 ta oylik soʼrovlari namunasiga asoslangan. Kompaniyalar keyingi joriy biznes sharoitlari (joriy biznes vaziyati indeksi) va kelgusi 6 oy istiqbollarini aniqlash (ifo biznes istiqbollari indeksi) boʼyicha soʼrovda qatnashadilar.

         Taʼkidlash lozimki, joriy yilning aprel oyida, Iqtisodiy tadqiqotlar va islohotlar markazi "Berlin economics" konsalting kompaniyasi koʼmagida biznes iqlim indeksi (Geschäftsklimaindex)ni ishlab chiqish boʼyicha Germaniya tajribasini oʼrganish uchun Iqtisodiy tadqiqotlar institutida "ifo Institut" (Germaniya) vebinar oʼtkazilgan.

         Mazkur vebinar davomida Ifo Indeksini ishlab chiqish, soʼrovnomani tuzish, sektorlarning optimal ulushini aniqlash, soʼrovlarni tashkil etishning amaliy tomoni va maʼlumotlarni tahlil qilish koʼrsatkichlarini jamlash uchun Ifo formulalari yordamida batafsil maʼlumotlar olindi. 28 aprelda Markaz IT Park bilan hamkorlikda 11 ta savoldan iborat boʼlgan telegram-bot ishlab chiqdi. Soʼrovni quyidagi havola orqali olishingiz mumkin: https://t.me/businessclimate_bot

         Tadbirkorlik iqlimini oʼrganish boʼyicha olinadigan maʼlumotlar kompaniyalar tomonidan belgilangan koʼrsatkichlar natijalariga asoslangan boʼlib, bu Sizning biznesingiz va biznes sharoitlaringizni xolis baholash imkonini beradi.

                   Oʼzbekiston Respublikasi Prezidenti Аdministratsiyasi

                   huzuridagi Iqtisodiy tadqiqotlar va islohotlar

                   markazi jamoatchilik bilan aloqalar xizmati