Сухда волейбол бўйича “Ҳоким кубоги”га старт берилди
2020-01-13 17:10:34 62
Сухда волейбол бўйича “Ҳоким кубоги”га старт берилди
Мамлакатимизда ёшлар маънавиятини юксалтириш, уларнинг бўш вақтларини мазмунли ташкил этиш бўйича Ўбекистон Республикаси Президенти томонидан илгари сурилган 5-та муҳим ташаббуснинг иккинчи ташаббуси - аҳоли ва ёшларни жисмоний чиниқтириш, уларнинг спорт соҳасида қобилиятини намоён этиш мақсадида Сух туманидаги "Сўғдиёна" спорт мажмўасида спортнинг волейбол мусобақаси буйича "Ҳоким кубоги"га старт берилди.
Мусобақаларнинг расман очилиш маросимида Сух туман ҳокими Ф. Усаров сўзга чиқиб, барча жамоаларга омад тилади. Президентимиз томонидан спорт соҳасини ривожлантириш учун берилаётган эътибори ҳақида гапириб, бундай мусобақалар мунтазам уюштирилишини туман ҳокими алоҳида таъкидлади. Маълумот ўрнида шуни айтиш лозимки, мусобақаларда Сух тумани, Фарғона шаҳри ёшлари ва Қирғизистондан келган меҳмонлар иштирок этишмоқда. –“Шундай мусобақалар орқали халқларимиз ўртасидаги аҳил дўстлик ришталари янада мустаҳкамланади”,- деди тадбир давомида Қирғизистондан келган меҳмон.
Илк учрашувни Қирғизистон Республикасининг Боткен вилояти Қадамжай туманидан келган "Бирлик" ҳамда Сўх тумани Ҳазрати Али маҳалла фуқаролар йиғинининг "Ҳазрати Али" жамоалари бошлаб беришди. Мусобақларда 23та жамоалар ғолиблик учун ўзаро беллашадилар. Ғолиб бўлган, энг фаол бўлган команда ва иштирокчиларга туман ҳокими кубоги ва эсдалик совғалари тақдим этилади.
Сух тумани ҳокимлиги Ахборот хизмати
